لو بتعاني من مشكلة تساقط الشعر ، الحل اللي معانا النهاردة هو علاج داخلي عن طريق الاطعمة اللي بتساعد على منع تساقط الشعر ، الشعر بيحتاج مغذيات مهمة عشان يبقى صحي وقوي ، وانتي تقدري تستعيدي قوة الشعر من خلال بعد التعديلات الغذائية ، زي تحسين استهلاكنا لاطعمة معينة ، والنهاردة من خلال موضوعنا هنشارك معاكم افضل الاطعمة لمنع تساقط الشعر وزيادة نموه.
لحم الفراخ هو مصدر ممتاز للبروتين, الفيتامينات, المعادن ، ودي العناصر الغذائية الاساسية لتغذية الشعر ومنع التساقط والصلع ، واظهرت الدراسات ان نقص البروتين ممكن انه يأثر على بنية الشعر ونموه واللي ممكن يأدي لتساقط الشعر المؤقت ، ونقص البروتين كمان ممكن يأدي لظهور الثعلبة, والصلع المزمن.
العدس بكل انواعه والبقوليات زي الفاصوليا, الحمص, والفاصوليا الحمرا غنية بحمض الفوليك, الحديد, الفوسفور, الزنك, المغنيسيوم, الالياف ، والعناصر دي كلها مهمة لصحة الشعر ، الدراسات اثبتت ان نقص المعادن والزنك ادى لانتشار الثعلبة.
